[ការបង្ហាញព័ត៌មាន] ការពន្យារពេលក្នុងការបង្ហាញរបាយការណ៍ប្រចាំត្រីមាសទី១ ឆ្នាំ២០២៦ របស់ហ្គ្រេន ធ្វីន

ក្រុមហ៊ុន ហ្គ្រេន ធ្វីន អ៊ិនធើណេសិនណល (ខេមបូឌា) ភីអិលស៊ី (“ក្រុមហ៊ុន”) មានកិត្តិយសសូមជម្រាបជូនដំណឹងដល់វិនិយោគិន និងសាធារណជនទាំងអស់ មេត្តាជ្រាបថា៖ អនុលោមតាមច្បាប់ និងបទប្បញ្ញត្តិពាក់ព័ន្ធដែលនៅ ជាធរមាន ក្រុមហ៊ុនត្រូវផ្តល់របាយការណ៍ប្រចំាត្រីមាសទី១ ឆ្នាំ២០២៦ ជូននិយ័តករមូលបត្រកម្ពុជា (“ន.ម.ក”) យ៉ាងយូរបំផុតត្រឹម ថ្ងៃទី១៥ ខែឧសភា ឆ្នាំ២០២៦។ ដោយហេតុថា ក្នុងអំឡុងពេលបិទបញ្ជីគណនេយ្យសម្រាប់ត្រីមាសទី១ ឆ្នាំ២០២៦ ក្រុមហ៊ុនមានការឈប់សម្រាកបុណ្យចូលឆ្នាំខ្មែរប្រពៃណីជាតិ មួយសប្តាហ៏ ក្នុងខែមេសាកន្លងទៅនេះ ក្រុមហ៊ុនមានការយឺតយ៉ាវក្នុងការរៀបចំបិទបញ្ជីគណនេយ្យ និងចាប់ផ្តើមដំណើរការត្រួតពិនិត្យរបាយការណ៍ហិរញ្ញវត្ថុសង្ខេបក្នុងគ្រា សម្រាប់ត្រីមាសទី១ ឆ្នាំ២០២៦ ដោយសវនករឯករាជ្យរបស់ក្រុមហ៊ុន និងពុំអាចបង្ហាញជូនវិនិយោគិន និងសាធារណជន ទាន់ពេលវេលា។

ការផ្តល់ជូនរបាយការណ៍ក្រុមហ៊ុន សម្រាប់ត្រីមាសទី១ ឆ្នាំ២០២៦ នេះ នឹងត្រូវពន្យាពេលរហូតដល់ ថៃ្ងទី០១ ខែមិថុនា ឆ្នាំ២០២៦។

• GTI_Press Release Delay Report Q1-2026_KH.pdfបើកឯកសារ