[ការបង្ហាញព័ត៌មាន] របាយការណ៍ចីរភាពប្រចាំឆ្នាំ២០២៥ របស់ កសស

កំពង់ផែស្វយ័តក្រុងព្រះសីហនុ ( កសស ) ដែលជាកំពង់ផែសមុទ្រអន្តរជាតិទឹកជ្រៅតែមួយគត់ នៃព្រះរាជាណាចក្រកម្ពុជា បានប្តេជ្ញាចិត្តចំពោះនិរន្តរភាពនិងការអនុវត្តអាជីវកម្ម ប្រកបដោយការទទួលខុសត្រូវ។ ថ្នាក់ដឹកនាំកំពង់ផែបានសង្កត់ធ្ងន់លើការការពារបរិស្ថាន ទំនួលខុសត្រូវសង្គម និងអភិបាលកិច្ចប្រកបដោយសីលធម៌ជាគុណតម្លៃស្នូលដែលដឹកនាំប្រតិបត្តិការរបស់ខ្លួន។ កសស មានគោលបំណងបញ្ចូលគោលដៅអភិវឌ្ឍន៍ប្រកបដោយនិរន្តរភាព (SDGs) ទៅក្នុងក្របខ័ណ្ឌអាជីវកម្មរបស់ខ្លួន ដោយផ្តោតលើការកាត់បន្ថយការការបំភាយកាបូន បង្កើនសុវត្ថិភាពនៅកន្លែងធ្វើការ និងជំរុញការចូលរួមរបស់សហគមន៍។ កំពង់ផែបានអនុវត្តន៍គំនិតផ្ដួចផ្ដើមផ្សេងៗ រួមទាំងប្រព័ន្ធទូទាត់ឌីជីថល ដើម្បីបង្កើនប្រសិទ្ធភាពប្រតិបត្តិការ និងសេវាកម្មអតិថិជន ខណៈពេលដែលធានាបាននូវតម្លាភាព និងគណនេយ្យភាពក្នុងការអនុវត្តអាជីវកម្មរបស់ខ្លួន។

នៅឆ្នាំ ២០២៥ កសស បានរាយការណ៍អំពីកំណើនប្រតិបត្តិការសំខាន់ៗ ជាមួយនឹងទិន្នផលសរុបជាង ១២ លានតោន និងការប្តេជ្ញាចិត្តក្នុងការកាត់បន្ថយការបំភាយឧស្ម័នផ្ទះកញ្ចក់ ៣០% នៅឆ្នាំ ២០៣០។ កំពង់ផែក៏បានផ្ដល់អាទិភាពលើការអភិវឌ្ឍធនធានមនុស្ស ដោយផ្តល់ឱកាសបណ្តុះបណ្តាលយ៉ាងទូលំទូលាយ សម្រាប់កម្លាំងពលកម្មរបស់ខ្លួន និងលើកកម្ពស់ភាពចម្រុះយេនឌ័រនៅ ក្នុងរចនាសម្ព័ន្ធគ្រប់គ្រងរបស់ខ្លួន។ កសស ចូលរួមយ៉ាងសកម្មជាមួយសហគមន៍មូលដ្ឋាន រួមចំណែកដល់គម្រោងសង្គមនិងមនុស្សធម៌ និងប្តេជ្ញាចិត្តក្នុងការកាត់បន្ថយផលប៉ះពាល់បរិស្ថានរបស់ខ្លួន តាមរយៈការកាត់បន្ថយសំណល់ និងយុទ្ធសាស្រ្តគ្រប់គ្រងធនធាន។ ការប្តេជ្ញាចិត្តចំពោះនិរន្តរភាពនេះ មិនត្រឹមតែគាំទ្រដល់គោលដៅប្រតិបត្តិការរបស់ កសស ប៉ុណ្ណោះទេ ប៉ុន្តែថែមទាំងរួមចំណែកដល់កំណើនប្រកបដោយចីរភាពនៃភាគីពាក់ព័ន្ធទាំងអស់ និងការអភិវឌ្ឍសេដ្ឋកិច្ចនិងសង្គមនៃកម្ពុជា កាន់តែទូលំទូលាយ។

• pas-sustainability-report-for-2025-khmer.pdf打开文件